Rrëzohet padia ndaj Rusisë për spastrim etnik
01/04/2011 16:15
Pamjet/ Sulm horror në shkollën në Uells! Nxënësja qëllon me thikë mësuesen dhe dy të tjerë, të tmerruar kapërcyen gardhin për të shpëtuar 24/04 19:13
Gjykata e Organizatës së Kombeve të Bashkuara hodhi poshtë sot një çështje të prezantuar nga Gjeorgjia, e cila akuzon Rusinë dhe rebelët separatistë për spastrim etnik.
Gjykata Ndërkombëtare e Drejtësisë, e vendosur në Hagë, deklaroi se nuk do të egzaminojë padinë e Tbilisit zyrtar, pasi ky institucion do të kishte juridiksion për këtë çështje vetëm nëse autoritetet e vendit do të kishin kërkuar të bisedonin më parë me Moskën, diçka që nuk ka ndodhur.
Sipas Gjeorgjisë, ushtria ruse dhe rebelët e mbështetur prej saj kryen akte të spastrimit etnik në krahinat e Abkazisë dhe Osetisë së Jugut, në luftën e shkurtër midis dy vendeve në gusht 2008.
Disa mijëra gjeorgjianë braktisën dy krahinat e populluara nga rusë gjatë konfliktit, ndërsa shumë prej tyre nuk janë rikthyer, duke mbetur të zhvendosur brenda Gjeorgjisë.
Në vitin 2008, vendet perëndimore dënuan Rusinë për depërtimin e thellë në Gjeorgji, përtej krahinave konfliktuale.
Moska tërhoqi më pas forcat e saj nga Abkazia dhe Osetia e Jugut në 2009-n, ndërsa një raport europian i ka fajësuar të dy vendet për dhunimin e ligjit ndërkombëtar.
Top Channel
