Libi, viktimat e para civile prej NATO-s
01/04/2011 15:05
Vatikani merr vendimin, largon nga kisha drejtuesit dhe disa ndjekës të sektit katolik global 02/07 22:52
Skema e ngjyrave
Madhësia e shkrimit
Shtatë civilë mbetën të vrarë dhe 25 të tjerë të plagosur, gjatë bombardimit të forcave të Gaddafi-t nga NATO-s në Libi.
Ngjarja ndodhi të mërkurën në fshatin Zavia al Argobe, 15 kilometra nga Brega, por u konfirmua vetëm disa orë më parë.
Një predhë goditi një mjet që ishte duke mbajtur municion, por si rrjedhojë e shpërthimit, dy shtëpi të ndodhura pranë u shkatërruan.
Sipas burimeve spitalore vendore, të gjithë viktimat janë të moshës 12-20 vjeç, ndërsa NATO bëri të ditur se do të hetojë pretendimet.
Lajmi erdhi disa orë pasi lideri i opozitës, Mustafa Abdul Jalil, deklaroi se do të pranonte një armëpushim, nëse forcat e kolonelit do të tërhiqeshin nga qytetet lindore të vendit.
Pas shkatërrimit të flotës ajrore libiane që në ditët e para të bombardimeve, NATO-s i është dashur të përqendrohet tashmë në objektiva më të vogla, siç janë depot e municioneve apo karvanet pro-qeveritare.
Top Channel
