Gjermania: Zgjidhje politike për Libinë
01/04/2011 10:35
Ministri gjerman i Jashtëm, Guido Westerwelle, gjatë një vizite në Pekin, ka deklaruar se situata në Libi nuk zgjidhet me mjete ushtarake.
Duke shprehur qëndrimin e Berlinit zyrtar, Westerwelle i ka bërë thirrje liderit libik Muammar Gaddafi që të respektojë armëpushimin.
“Zgjidhja mund të jetë vetëm politike dhe ne duhet të ngremë një proces politik, që duhet të fillojë me respektimin e një armëpushimi nga Gaddafi”, ka deklaruar Westerwelle.
Ndryshe nga aleatët e saj perëndimore, Gjermania u shpreh që në fillim kundër opsionit të ndërhyrjes ushtarake në Libi.
Top Channel