Shkenca në “shërbim†të drogës
24/03/2011 15:50
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Vdekja aksidentale e një cifti në Golem pas konsumimit të një shisheje me verë në të cilën ishte tretur kokainë për qëllime trafikimi, konfirmoi më në fund dhe zyrtarisht se vendi ynë kishte hyrë tashmë në linjën e vendeve që trafikojnë drogat e rënda në mënyrat më të cuditshme e më të padëgjuara.
Prokurororia e Krimeve të Rënda tre vite më parë tentoi ta zbardhte këtë rrjet të trafikimit të kokainës që fuste drogë nëpërmjet një kompanie vere, në një mënyrë tepër të sofistikuar, por më pas nuk u mor më vesh se cfarë u bë me këto hetime.
Përgjatë një konference për shtyp, kur kishin goditur një grup të tillë të trafikut ndërkombëtar, mënyrat e sofistikuara të trafikut të drogës u pranuan edhe nga vetë krerët e luftës kundër krimit të organizuar.
Grupi i goditur tentoi të trafikonte 8 kg kokainë nëpërmjet një ngarkese me oriz, i nisur nga Bolivia dhe i sekuestruar në Tirane.
“Ka një lloj fuqizimi të tregut të kokainës nga Amerika Latine. Ajo është furnizuesi kryesor i kokainës dhe ne nuk mund të bëjmë përjashtim”, deklaroi pas operacionit Edmon Rizari.
Në raste të mëparshme prokuroria e policia së bashku kanë zbuluar nëpërmjet operacioneve ndërkombëtare, me metodën e dorëzimit të kontrolluar, kokainë e heroinë të porositur me postë në disa raste të fshehur në pjesë këmbimi makinash dhe herë të tjera të tretur në rroba të bardha.
Por nuk kanë munguar edhe rastet e kapërcimit të 44 qeseve me kokainë, sic iu zbulua në spital një ish-sportisti. Rasti më i fundit është ai i kokainës së tretur në vaj palme. Por në cfarë mënyre ndahet kokaina nga vaji i palmës?
Përpos faktit që edhe kjo formë hyn tek mënyrat tejet të sofistikuara dhe që përfshin rrjete të mirëorganizuara, ja se si kokaina ndahet nga vaji i palmës.
Elementi narkotik nga gjethet e kokës shtypet dhe lëngu i përftuar hidhet në vajin e palmës. Më pas ai përzihet me amoniak, që ndihmon në procesin e ndarjes së dy elementeve. Hedhja e amoniakut ndihmon në mpiksjen e kokainës, e cila më pas thahet.
Mënyra e tretjes së kokainës në vaj palme ndihmon personat që e trafikojnë atë që droga të mos nuhatet nga qentë antidrogë, edhe pse në raste të trafikimeve me mënyra të soifistikuara më së shumti ngarkesat zbulohen ose me persona të infiltruar brenda rrjetit, ose me metodat speciale të përgjimit. Shumë rrallë ndodh që ngarkesa të tilla të zbulohen sipas një kontrolli rutinor.
Top Channel
