Një prej divave të xhazit dhe bluzit amerikan, Aretha Franklin, jo vetëm që është gjallë, por është e vendosur të rikthehet të këndojë, pasi fitojë betejën me të vështirë të jetës.
E diagnostikuar me një formë të avancuar të kancerit të pankreasit në fundin e 2010-s, Franklin iu nënshtrua një operacioni të vështirë në janar, ndërsa mjekët nuk i dhanë shumë shpresë për mbijetesë.
Megjithatë, në vizitën e fundit mjekësore, është zbuluar se 68-vjeçarja është shëruar plotësisht dhe mund t’i rikthehet jetës së saj aktive.
Franklin, e cila këndoi në ceremoninë e përurimit të presidencës së Barack Obamës, mendon të rifillojë etapat e turit të saj amerikan, të ndërprerë nga sëmundja.
Fatkeqësisht, një tjetër yll botëror, aktori Patrick Swayze, nuk mundi të mbijetonte dhe ndërroi jetë në shtator 2010 pikërisht nga i njëjti lloj tumori.
Top Channel
