NATO, Asnjë plan për ndërhyrje në Libi
05/03/2011 13:40
Dështon dërgimi i një sateliti spiun në orbitë, Koreja e Veriut: Dyshohet se motori… 27/05 18:49
NATO nuk po shqyrton asnjë mundësi për një ndërhyrje në Libi, deklaroi gjatë mesditës Sekretari i Përgjithshëm i Aleancës, Anders Fogh Rasmussen.
Duke folur në një intervistë të drejtëpërdrejtë me BBC-në, mesditën e sotme, danezi zhgënjeu shpresat e protestuesve libianë, për një ndihmë të afërt të huaj.
”NATO nuk ka asnjë plan për një ndërhyrje ushtarake ndaj Libisë në këtë moment dhe nuk do të ketë deri sa OKB të kërkojë diçka të tillë nëpërmjet një rezolute”, deklaroi Rasmussen.
”Ajo që ka rëndësi në këtë moment, është të përgatisim një strategji veprimi, për çfarë do misioni të mundshëm që mund të na kërkohet prej OKB-së, në një të ardhme në Libi”.
I pyetur nëse thirrjet e opozitës libiane dhe bombardimet e civilëve nuk ishin një motiv i mjaftueshëm për ndërhyrje, Rasmussen u përgjigj se: “OKB po kryen hetimet e saj rreth krimeve të mundshme të luftës që mund të jenë kryer në Libi, por veprimi i NATO-s pa një rezolutë do të ishte i paligjshëm”.
Top Channel
