Shqiptarët e Maqedonisë: Jo dhunës
27/01/2011 21:20
U përfshi nga flakët disa ditë më parë, nis sërish prodhimin fabrika Comodita në Gjakovë 12/01 21:26
Lëvizja qytetare “Zgjohu” ka mbajtur sot një tubim para ambasadës shqiptare në Shkup, për të shprehur shqetësimin lidhur me ngjarjet e 21 janarit në Tiranë.
Këtij tubimi i janë përgjigjur një numër i madh qytetarësh dhe pjesëtarë të shoqërisë civile.
Organizatorët e kësaj proteste thanë se aferat korruptive, parregullsitë zgjedhore dhe pakënaqësitë, në asnjë mënyrë nuk justifikojnë dhunën.
“Imazhi i shqiptarëve gjithandej buron nga Tirana zyrtare dhe skenat e 21 janarit shkundën themelet e shqiptarëve kudo që ndodhen, duke dobësuar pozicionet tona të cilat po sulmohen cdo ditë e më ashpër”, ka deklaruar drejtuesi i lëvizjes “Zgjohu”, Artan Grubi.
Ai dhe pjesëmarrësit e tjerë kanë vlerësuar në vecanti veprimin e policit që gjatë demonstratës shpëtoi flamurin shqiptar që u përdor si një objekt i rëndomtë nga protestuesit.
“Këtë imazh më 21 janar e shpëtuan organet shtetërore dhe në vecanti polici Amarildo Yzeiri, i cili rrezikoi sigurinë e vet për të ngritur flamurin kombëtar nga toka, pasi cuditërisht ishte sulmuar me flamur nga ana e protestuesve. Ai mbrojti me përkushtim simbolin që bashkon të gjithë shqiptarët, flamurin kuqezi”, ka shtuar Grubi.
Top Channel
U përfshi nga flakët disa ditë më parë, nis sërish prodhimin fabrika Comodita në Gjakovë 
