Thaci: Koalicioni, një javë pas 9 janarit
25/12/2010 10:55
Ndërtimi i urave të Mitrovicë, Prokuroria heton kontratën 10/07 20:48
Kryeministri i Kosovës, Hashim Thaci ka shprehur bindjen e tij se koalicioni i ri qeverisës do të formohet një javë pas përsëritjes së zgjedhjeve në pesë komuna.
“Unë flas me bindje të plotë se që në javën e parë pas 9 janarit do ta zyrtarizoj koalicionin shumëpërfshirës dhe shumëetnik”, ka deklaruar Thaci për të përditshmen “Koha Ditore”.
Thaci nuk ka treguar se cilët mund të jenë aleatët e tij, por ka bërë të ditur se cilët nuk do të jenë, duke e vënë theksin tek LDK-ja dhe Vetëvendosje.
“Ata që janë kundër autostradës, kundër ekonomisë së lirë të tregut, kundër privatizimeve dhe që i përkasin mentalitetit të së kaluarës nuk mund të jenë në qeverinë time”, ka pohuar Thaci.
Më tej kryetari i PDK-së ka folur mbi mundësinë e afrimit me AAK-në, duke theksuar se nuk i merr seriozisht vijat e kuqe të përfaqësuesve të saj dhe duke mos e mohuar mundësinë e një takimi me Haradinaj në Hagë.
Top Channel
