Gripi, autoritetet: S’ka vend për panik
22/12/2010 18:45
Studentët serbë i japin fund bllokadës para zyrës së transmetuesit publik 28/04 22:25
Pas konfirmimit të rastit të parë për këtë vit, me virusin A/H1N1 në Kosovë, drejtues të Institutit Kombëtar të Shëndetësisë Publike thonë se shfaqja e këtij gripi nuk duhet të bëhet shkak për shqetësim dhe panik në mesin e popullatës.
Drejtori i IKSHP-së, Naser Ramadani, deklaron se pas zbulimit të rastit të parë për këtë sezon, IKSHP ka ngritur shkallën e kujdesit dhe të marrjes së masave parandaluese.
Ramadani ka theksuar se, nuk duhet të shkaktohet panik pasi sipas tij, të gjitha institucionet shëndetësore në Kosovë janë të përgatitura për cdo eventualitet.
Ramadani ka thënë se të gjitha institucionet shëndetësore në Kosovë janë në gjendje gatishmërie për t`u përballur me raste eventuale të gripit A/H1N1, edhe pse nuk pritet numër i madh i këtyre rasteve. Megjithatë, IKSHP apelon për ndërmarrjen e masave të përgjithshme në nivel institucional.
Top Channel
