Sport

Milan-Cassano, arrihet marrÃ«veshja

17/12/2010 11:35

Antonio Cassano do të shndërrohet në janar në një futbollist të Milanit,
të paktën sipas raportimeve të shtypit italian gjatë mëngjesit të
sotëm.

Përfaqësuesi i lojtarit, Giussepe Bozzo u pa duke drekuar me drejtuesit e kryesuesve të Serisë A një ditë më parë. Sipas burimeve të pranishme në takim, një marrëveshje deri në vitin 2014 është pothuajse e realizuar.

Gjatë drekës, numri dy i milanezëve, Adriano Galliani telefonoi presidentin e Sampdorias, Garrone dhe mori aprovimin e këtij të fundit për të vazhduar lirisht bisedimet.

Me kalimin e tij në “San Siro”, Cassano do të sigurojë një kontratë prej tre milion eurosh, plus shpërblime të tjera. E vetmja pengesë që duhet zgjidhur është një pagesë që Sampdoria duhet t’i shlyejë Realit të Madridit.
Klubi gjenovez i detyrohet madrilenëve pesë milion euro në rast shitje të Cassano-s, por raportet e mira midis Milanit dhe gjigantëve spanjollë pritet të bëjnë që realizimi i kësaj tratative të zgjidhet brenda shumë pak kohe.
Për Antonion, kuqezinjtë do të jenë klubi i pestë në karrierë. Ai ka luajtur më parë tek Bari, Roma, Real Madrid dhe Sampdoria.

Top Channel