Policia londineze ka refuzuar akuzat se një problem në komunikimin mes agjentëve coi në sulmin ndaj makinës ku po udhëtonin princi i Uellsit dhe dukesha e Kornuellit, gjatë protestave të studentëve pak ditë më parë.
Është raportuar se policët që po ruanin makinën e ciftit po përdornin një frekuencë tjetër nga ajo e policëve që po mbikëqyrnin protestën e studentëve në Londër.
Por Scotland Yard insiston se dy grupet kanë qenë në kontakt dhe se ata mund të kenë përdorur telefonat celularë ose e-mail për të komunikuar. Një hetim i gjerë mbi trazirat e shkaktuara nga studentët ka nisur.
Makina ku ndodhej princi Carl dhe bashkëshortja e tij u lye me bojë dhe një nga xhamat e dritares u kris gjatë protestave kundër rritjes së taksave universitare.
Top Channel
