Lezhë, te ‘benti’ vetëm për emergjencë

06/12/2010 12:10

Në përmbytjet e muajit janar drejtuesit lokale ne qarkun e Lezhes deklaruan se po nderhynin me urgjence ne ‘bentin’ e Torovices per te ndaluar perparimin e ujërave.

E njejta nderhyrje me emergjence po behet aktualisht ndersa gjate stines se thate askush nuk u kujtua per kete argjinature teper te rendesishme per mbrojtjen e Lezhes.

Vetëm me ndihmen e ushtrise dhe firmave te ndryshme private argjinatura u perforcua me urgjence ndersa ujërat rriteshin frikshem. Gjate punes kishte mjaft veshtiresi per shkak te terrenit.

Autoritetet jane vene ne pune vetem ditet e fundit ndersa banoret e zones moren arratine duke cuar gjithcka kishin ne shtepite e tyre ne vende me te larta per t’i shpetuar ujrave.

“Benti i Torovices” eshte kufiri i fundit i permbytjes qe ka perfshire gjithe zonen e Nenshkodres nga pjesa tjeter e vendit. Carja do ishte fatale per fushen e Torovices por edhe vete lezhes dhe zonen e banuar pertej saj. Nderhyrja emergjente e diteve te fundit ne kete argjinature ndaloi kalimin e ujërave, megjithate puna aty nuk ka ndaluar. Mjete te renda vijojne hedhjen e inerteve per te penguar ujin. Banoret pertej kesaj argjinature thone se jane qetesuar disi.

Top Channel