SHBA, Dhoma voton pro shkurtimit të taksave
03/12/2010 10:55
Izraeli vijon sulmet në Gaza, vriten rreth 180 palestinezë në 24 orët e fundit 03/07 22:53
Dhoma e Përfaqësuesve në Shtetet e Bashkuara ka kaluar një projektligj që parashikon zgjatjen e afatit të shkurtimit të taksave për qytetarët e klasës së mesme, duke i lënë atyre mundësi për të pasur më shumë kursime.
Projektligji i hartuar nga demokratët i mban taksat të ulëta për amerikanët që fitojnë më pak se 200 mijë dollarë në vit.
Kuotat e taksave ishin miratuar nga administrata e presidentit George W. Bush dhe republikanët në vitin 2001 dhe 2003.
Por ligji pritet të dështojë në Senat, ku republikanët mbështesin opsionin e taksave të ulëta për të gjithë qytetarët amerikanë.
Në këtë mënyrë afati i shkurtimit të taksave do të skadonte brenda vitit, kuotat do të ngriheshin për të gjithë taksapaguesit, gjë që do të dëmtonte rimëkëmbjen e eknomisë së brishtë të SHBA.
Top Channel
