28 nëntori, PDU feston në Fier
28/11/2010 19:45
Reshje shiu dhe temperatura të larta, ja si parashikohet moti këtë të martë 06/05 07:29
98 vjetori i shpalljes së pavarësisë është festuar me madhështi edhe nga dega e Partisë Drejtësi dhe Unitet në qytetin e Fierit.
Në nderim të kësaj dite, të rinj e të reja, pjesëtarë të klubit të patriotëve të rinj, por edhe drejtuesit e degës së kësaj force politike në Fier, kanë dhuruar qindra flamuj kombëtar për qytetarët fierakë.
Ceremonia e kësaj feste nisi me ekzekutimin e himnit kombëtar dhe me pas vazhdoi me këngë patriotike, me këngë nga të gjitha trevat shqiptare e sidomos nga treva e Çamërisë.
Kryetari i degës së Partisë Drejtësi dhe Unitet për Qarkun e Fierit, Nimet Musai shprehet se aktivitete të tilla që i përkasin çështjes dhe identitetit tonë kombëtar janë shumë të rëndësishëm.
Për këtë aktivitet të rëndësishëm një rol kryesor kishte edhe klubi i patriotëve të rinj.
Top Channel
