Të varur nga importet
20/11/2010 15:00
Tornitor prej 62 vitesh! Historia e 78-vjeçarit nga Vlora që e ka shndërruar një dhomë të shtëpisë në ofiçinë 12/05 20:39
Cmimet e ushqimeve në tregun e brendshëm kanë varësi të madhe ndaj importeve. Sipas të dhënave zyrtare, në vitin 2009, importet e ushqimeve ishin rreth 740 milionë dollarë, ose 10 here më të larta se eksportet.
Ushqimet janë grupi i dytë i mallrave qe Shqiperia merr me shume nga importi me nje vlere prej rreth 670 milionë dollarë. Edhe pse sipas Ministrisë importet e ushqimeve përbëjnë vetëm 30 për qind të konsumit në vend, ekspertët thonë se ato janë faktori kyc që përcakton cmimin në tregun e brendshëm.
Kjo pasi prodhimi vendas në pjesën dërrmuese të tij shkon për vetëkonsum dhe nuk del fare në treg. Vitet e fundit cdo rritje e cmimit të ushqimeve në tregjet e huaja është përcjellë menjëherë në tregun e brendshëm, sic tregoi kriza e vitit 2008, por edhe rritja e papritur e drithërave gjatë kësaj vere. Së fundmi ka dhe një shqetësim tjetër.
Atë që cmimet e ushqimeve në tregun e brendshëm përcjellin vetëm rritjet dhe nuk e ndjekin tregun botëror kur ka rënie të cmimeve. Pas krizës së vitit 2008, cmimet e ushqimeve në botë ishin në fillim të këtij viti sipas Bankës Botërore 25 për qind më të ulëta. Por për të njëjtën periudhë, në tregun e brendshëm, sipas INSTAT, ato jo vetëm që nuk kishin rënë, por përkundrazi ishin shtrenjtuar me 16 për qind duke shtuar dyshimet për një treg, i cili jo pak raste është parë si i kontrolluar nga kompani të caktuara.
Top Channel
