SHBA i kërkojnë të falur Pakistanit
06/10/2010 19:00
E dërguara e SHBA në Pakistan ka kërkuar falje për sulmin e fundit me helikopterë të forcave të NATO-s, që vrau dy ushtarë pakistanezë në afërsi të kufirit afgan.
Anne Patterson tha se, SHBA i kërkojnë falje Pakistanit dhe familjeve të ushtarëve që mbetën të vrarë dhe të plagosur.
Ndërkohë, nga një hetim i NATO-s rezultoi se helikopterët me të cilët u krye sulmi ishin nisur nga Afganistani për në Pakistan.
Më pas helikopterët e Aleancës hapën zjarr gabimisht ndaj rojeve të kufirit, duke i ngatërruar ata me militantë.
Për shkak të kësaj ngjarjeje autoritetet pakistaneze mbyllën kalimin e Torkhamit, që përdorej për të transportuar karburantin e trupave të NATO-s në Afganistan.
Top Channel