Talebanët infiltrohen në ushtrinë afgane
04/10/2010 17:00
George Hardy, piloti i fundit që luftoi në Evropë në Luftën e Dytë Botërore vdes në moshën 100 vjeçare 04/10 09:18
Një ish-zyrtar i lartë i Kombeve të Bashkuara ka deklaruar se guerrilasit talebanë janë infiltruar në radhët e ushtrisë dhe policisë afgane.
Doktor Antonio Maria Costa, ish-drejtor i Zyrës së OKB për Drogën dhe Krimin, ka deklaruar se celulat e fjetura të talebanëve kanë depërtuar në radhët e forcave të sigurisë.
Sipas tij, ata kanë kryer disa sulme dhe po planifikojnë atentate të tjera ndaj trupave të koalicionit ndërkombëtar, të udhëhequr nga SHBA.
Deklarata e Costa vjen në një moment kur trupat e NATO-s po përgatiten për t’ua dorëzuar kontrollin e vendit forcave afgane të sigurisë në vitin 2014.
Por një zëdhënës i trupave të koalicionit ka deklaruar se, infiltrimi i talebanëve në ushtri është një problem që haset rrallë dhe se ushtarët afganë janë besnikë.
Top Channel
