Kosovë, pas Sejdiut kaos

Këto janë pyetjet që gjatë së martës në Prishtinë askush nuk mund t’i përgjigjej me saktësi.

Madje ushtruesi i detyrës së presidentit të Kosovës, zoti Jakup Krasniqi i cili kishte lajmëruar se do të tregonte shumë shpejt se çdo të ndodhë, iu shmang kontaktit me mediat.

Megjithë këtë situatë konfuze ajo që u kuptuar është se po i pëlqen ta thërrasin president.

Siç njoftohet nëpërmjet një komunikatë për mediat këtë detyrë ia dorëzoi ish presidenti Sejdiu.

Sipas deputetëve të Kuvendit, ka dy mënyra për të vendosur normalitetin institucional: e para është që të votojnë një kandidat për president dhe nëse nuk arrihet të zgjidhet shefi i ri i shtetit Kuvendi do të shpërbëhej dhe Kosova do të shkontë në zgjedhje të parakohshme parlamentare.

Në LDK thonë se janë të gatshëm për të gjitha versionet e mundshme.

“Jemi gjithmonë gati për çdo variant”, është shprehur nënkryetari i LDK-së, Eqerem Kryeziu.

Ndërsa në Aleancën Kosova e Re mendojnë se pranvera e 2011-s është koha më e përshtatshme për zgjedhje, sepse deri në atë kohë do të ndryshonte ligji.

“Kemi krijuar një grup pune që do të merret me rishikimin e ligjit i cili ka një numër të madh mangësish”, nënkryetari i AKR-së, Ibrahim Makolli.

Top Channel