Lady GaGa, paqe më ish të dashurin

Fusari hodhi në gjyq këngëtaren, në mars të këtij viti, ku kërkonte 30.5 millionë dollarë me pretendimin se kishte ndihmuar në rritjen artistike të GaGa-s, përfshirë këtu edhe në gjetjen e emrit të saj skenik si dhe arritjen e disa kontratave të rëndësishme.

Producenti i cili ka bërë disa këngë si “Paparazzi” dhe “Beautiful, Dirty, Rich” për albumin “The Fame”, ka deklaruar gjithashtu se ishte ai që i ka mësuar këngëtares të përdorë “dance beats” në vend të muzikës rok.

Përpara se të gjente suksesin, çifti nënshkroi një kontratë që i jepte atij 20% të fitimeve të këngëve të saj, por Fusari pretendon se ka marrë vetëm 611 mijë dollarë, një shumë disa herë më e vogël se fitimet e GaGa-s.

Top Channel