Festohet Fiter Bajrami
09/09/2010 09:05
Besimtarët myslimanë festojnë sot Fiter Bajramin. Pas 30 ditë agjërimi e sakrifice, për shlyerjen e mëkateve, pastrimin e shpirtit dhe të trupit, besimtarët myslimanë i falen Zotit t’i pranojë këtë ritual, bashkë me të mirat që ata presin t’u sjellë.
Ndryshe nga herë të tjera besimtarët e kryeqytetit nuk e kanë kryer ritin e faljes para xhamisë së Et’hem Beut, por në bulevardin “Dëshmorët e Kombit”.
Që herët në mëngjes qindra besimtarë të cilët kanë agjëruar për 30 ditë, sot përmbyllin muajin e madhërishëm të Ramazanit.
Falja është drejtuar nga kreu i komunitetit mysliman, Haxhi Selim Muça.
Top Channel