Studentja shqiptare triumfon në Itali
06/08/2010 16:45
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Për herë të parë në Fakultetin e Farmacisë pranë Universitetit të Parmës, është dhënë një diplomë me maksimumin e pikëve, 110, e shoqëruar nga një “çertifikatë nderi”, shenjë e vlerësimit tepër të lartë për një student.
Kjo diplomë e veçantë është marrë nga shqiptarja Ina Bisha, studente në Fakultetin e Kimisë dhe Teknologjive Farmaceutike.
E lindur në Vlorë, Ina jeton prej 15 vjetësh me familjen në Itali. Përveç pasionit për shkencën, ajo ka kultivuar dhe atë për muzikën.
Si të mos mjaftonin studimet në fushën e shkencës, ajo është diplomuar edhe në Konservatorin e Rexhios për organo dhe piano.
Ende shpreh keqardhjen që nuk i është përkushtuar tërësisht pianos, por në një farë mënyre i është përgjigjur etjes së madhe për të njohur të fshehtat e shkencës.
Tanimë edhe me nënshtetësi italiane, studentja e shkëlqyer Ina Bisha i ka rrugët të hapura për doktoratura në universitetet më të njohura italiane apo të huaja.
Top Channel
