Kenia, alkooli kontrabandë vret 17 persona
27/07/2010 09:55
Një pije alkoolike e helmuar ka shkaktuar vdekjen e të paktën 17 personave dhe ka verbuar disa dhjetra të tjerë në një nga lagjet më të varfëra të Kenias.
Shumë nga personat që humbën jetën u gjetën të vdekur në shtëpitë e tyre në lagjen e Kiberës, në Nairobi.
Disa u dërguan edhe në spital, por ndërruan jetë pasi mbërritën atje. Vdekjet e lidhura me pijet alkoolike kontrabandë janë të zakonshme në Kenia, ku regjistrohen qindra të vdekur cdo vit.
Një grua e akuzuar se distilon pijen alkoolike, që në gjuhën lokale njihet me termin “canaga”, është arrestuar dhe po merret në pyetje nga policia.
Top Channel