Ibra ka besim: Barcelona në finale
26/04/2010 19:50
Po festonte një natë më parë, ish-futbollisti i Cagliarit gjendet i vdekur në hotel, ja detajet e para 30/09 16:18
Zlatan Ibrahimovic është i bindur se finalja e Madridit do t’i takojë Barcelonës dhe jo Interit.
Shtatlarti suedez i sulmit “blougrana” mendon se Barcelona do ta kalojë me sukses testin e së mërkurës. “Jam i bindur se në finale do shkojmë ne. Besoj tek vetja dhe skuadra”, shprehet Ibra. Në intervistën dhënë gazetës “Mundo Deportivo” suedezi shton se skuadra ka mentalitetin e duhur për të përballuar këtë ndeshje me shpirtin e madh të sakrificës dhe besimit në mundësitë e veta.
“Shënojmë shumë dhe është pikërisht kjo që na navojitet për të shkuar në finale”, përfundon Ibra. Ndërkohë, për sfidën e së mërkurës ka folur edhe presidenti i Interit, Massimo Moratti, i cili e ëndërron finalen prej shumë dekadash. “Zgjohem duke menduar për Barcelonën sepse është një ndeshje shumë e rëndësishme”, thekson manjati i naftës.
Top Channel
