Basha raporton në Kuvend për drogën

Kreu i dikasterit që përfshin forcat e rendit, në orën 10.00 do të jetë përballë deputetëve, anëtarë të Komisionit Parlamentar të Sigurisë Kombëtare.

Sipas rendit të ditës, së publikuar në faqen e internetit të Kuvendit theksohet se sot zhvillohet një seancë dëgjimore me ministrin e Brendshëm, Lulzim Basha, “Mbi masat shtrënguese dhe lufta e këtij dikasteri kundër trafikimit të lëndëve narkotike dhe kundër kultivimit të bimëve narkotike në vendin tonë.

Në fakt, lufta ndaj krimit të organizuar dhe në veçanti kundër trafikut të narkotikëve është pjesë e rëndësishme e kërkesës së ndërkombëtarëve e veçanërisht e Bashkimit Europian.

Dy ditë më parë, Këshilli i Ministrave të Brendshëm dhe të drejtësisë së BE-së kanë miratuar një marrëveshje për luftën ndaj drogës dhe një program që parashikon bashkëpunimin dhe koordinimin e policisë për të kontrolluar dhe kapur trafikantët.

Ndërkaq, dje në Bruksel është mbajtur Këshilli i Ministrave për çështjet e Jashtme që ka miratuar konkluzionet për Ballkanin Perëndimor që  ka hartuar një grup ekspertësh në fund të vitit të  kaluar.

Top Channel