Vrasja e Bhutos, OKB: Krimi i shmangshëm
16/04/2010 02:50
“I fundit në listën e gjatë të viktimave politike në Evropën e pasluftës”, analiza e AP: Ndikimi i plagosjes së kryeministrit Fico në zgjedhjet e qershorit në BE 17/05 07:17
Kombet e Bashkuara publikuan një raport mbi vrasjen e ish-kryeministres pakistaneze, Benazir Bhuto, ku e cilësojnë vrasjen e saj si “krim të shmangshëm”.
Në raport thuhet se “vrasja e Bhutos mund të shmangej dhe masat e marra prej policisë për mbrojtjen e kryeministres së tyre ishin mjaft të pakta”. Gjithashtu raporti vëren edhe mangësitë në hetimet për gjetjen dhe kapjen e autorëve, duke i cilësuar ato si mjaft të përcipëta dhe që janë orientuar drejt njerëzve pa influencë, ndërkohë që akti është kryer nga njerëz të organizuar dhe të mirëfinancuar.
Ish-kryeministrja, Benazir Bhuto u ekzekutua pas një serie shpërthimesh bombash në vitin 2007 në qytetin Raualpindi të Pakistanit. Menjeherë pas aktit autoritetet pakistaneze dhe CIA fajësuan për vrasjen e saj liderin taleban në Pakistan, Bejtullah Mehsud edhe ky i vrarë në një sulm amerikan me raketa vitin e shkuar.
Top Channel
