Ruzhdie, militantet “pushtojne” qendren
05/03/2010 12:00
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Konflikti i regjistruar nga kamera e Top Channel diten e zgjedhjeve ne Ruzhdie eshte bere tashme pjese e luftes politike. Zgjedhjet ne kete komune zgjaten pa probleme vetem dy ore, me pas debatet dhe perplasjet bene qe votimi te nderpritet.
Ne qendren e votimit 30 52 qe ndodhej ne shkollen e komunes, mbeten vetem komisioneret e djathte ne pritje te nje vendimi se cfare duhet te benin me kete proces. Ndersa ne deren e qendres se votimit militantet e djathte duket se mbanin ne vezhgim cdo levizje, hyrje e dalje te njerezve atje.
Automjetet me flamuj dhe personat prane tyre kane qendruar para qendres se votimit deri ne fund te procesit dhe nuk kane nguruar te hyjne ne debat me njerezit e afroheshin atje. Komisioneret e majte kerkuan pushim, dolen ne ambientet e jashtme. Dy automjete moren me vete komisioneret e majte dhe vulen qe ata mbanin. Te tre komisioneret shkuan prane KZAZ numer 19 ne Fier.
Ngjarjet ne kete KZAZ jane dokumentuar nga hetimi i prokurorise i zbardhur nga vendimi i gjykateses Irena Maneku me 12 shkurtin e kaluar.
“Per shkak te konfliktit te ndodhur midis anetareve te ketij komisioni perfaqesues te Partise Socialiste me anetaret e tjere, ku si shkak ka qene vulosja e fleteve te votimit prej sekretarit Ervin Myftaraj banor i fshatit Ruzhdie, personave qe votonin ne menyre te hapur dhe per persona te tjere, anetaret e Partise Socialiste jane larguar dhe kane kerkuar zevendesimin e sekretarit Ervin Myftaraj me nje anetar tjeter pasi Ervini ishte banor i fshatit dhe kishte njohje me zgjedhesit dhe anetaret e komisionit. Me vendimin numer 24 date 28 qershor 2009, KZAZ numer 19 ka liruar nga detyra sekretarin Ervin Myftaraj dhe ka emeruar si anetaret te komisionit Nazmi Frezaj. Eshte liruar edhe zevendeskryetari Pellumb Ferzaj dhe eshte emeruar Qazim Ferzaj. Perfaqesuesit e Partise Socialiste me ndryshimet e bera shkuan ne qendren e votimit por keta nuk jane pranuar prej anetareve te tjere te komisionit dhe ne keto kushte perfaqesuesit e Partise Socialiste jane larguar dhe kane dorezuar vulen e sekretarit prane KZAZ-se numer 19”.
Ajo qe ndodhi me pas per prokurorine eshte e mjaftueshme per te ngritur dyshimin dhe akuzen se komisioneret e mbetur falsifikuan listen e zgjedhesve njekohesisht edhe rezultatin e votimit.
Top Channel
