PS: Hapja e kutive nuk prek gjykaten

15/02/2010 15:10

Partia Socialiste ka ngulmuar ne faktin se kerkesa e saj per hapjen e kutive nuk synon ndryshimin, rishikimin apo modifikimin e vendimit te Kolegjit Zgjedhor, vendim i cili sipas PS eshte perfundimtar e i formes se prere por kerkesa e socialisteve sipas deputetit Dokle synon vetem te beje transparence per procesin zgjedhor te 28 qershorit.

Zoti Dokle theksoi se objekti i hetimit parlamentar te kerkuar nga Partia Socialiste eshte krejt i ndryshem me objektin e shqyrtimit gjyqesor te Kolegjit Zgjedhor. Ai renditi te gjitha pikat mbi te cilat PS kerkon te hedhe drite.

“-Mungesa e zbatimit te ligjit gjate numerimit te votave.
-Shkeljet flagrante gjate votimit ne QV
-Mangesi ne perdorimin e teknologjise mbeshtetese te monitorimit te procesit e te numerimit te votave
– Perdorimin e aseteve publike dhe administrates shteterore ne favor te nje subjekti zgjedhor
– Presioni shteteror ndaj punonjesve per efekte elektorale
– Lejet e perkohshme gjate fushates per personat e denuar per vepra penale”, tha Dokle.

Sipas zotit Dokle kerkesa socialiste nuk cenon ne asnje pike te saj kushtetuten apo ligjet, pas te cilave tha deputeti i PS-se fshihet ne menyre te turpshme kryeministri Berisha.

“Ky objekt eshte ne perputhje me parimet kushtetuese te misheruara edhe ne praktiken e Gjykates Kushtetuese mbi ngritjen e Komisioneve Hetimore Parlamentare. Ky objekt qe ka te beje me transparencen si element kyç i demokracise, mbeshtetet dhe ne pervojat demokratike ne SHBA, Itali, Rumani per te mos permendur dhe Afganistanin.Ne shprehim dhe nje here vendosmerine e Partise Socialiste dhe te opozites ne kerkesat tona te drejta, legjitime, kushtetuese dhe mbrojtese te votes se lire e te vullnetit te paprekur te zgjedhesve”, tha Dokle.

Top Channel