Turi i 1/8-ve ne Champions League do te vendose Interin e Murinjos perballe Çelsit te… Murinjos. E thene ndryshe blute e ndertuar nga vete tekniku luzitan, qe prej vitit 2004.
Ne nje interviste per faqen zyrtare te UEFA-s, portugezi nuk duket ne ankth per skemat qe do te perdore Karlo Ançeloti, edhe sepse skuadra praktikon te njejtat taktika te disa viteve me pare.
Murinjo u kthye ne “Stemford Brixh” me 28 dhjetor te vitit te kaluar: vetem dhjete dite pas shortit, ai ndoqi sfiden e bluve me Fulham, por me i rendesishem ishte fakti se ai paraqitej per here te pare ne stadiumin londinez qe prej largimit “me konsensus” me pronarin Roman Abramoviç (me 20 shtator 2007).
Edhe pse kishin kaluar me shume se dy vjet, asgje nuk kishte ndryshuar, duke filluar qe prej ushtrimeve per nxehjen: “Per te thene te drejten nuk pashe shume ndryshime. I kushtova vemendje te gjitha detajeve, por mua m’u duk sikur gjithçka kishte mbetur njesoj, si ne periudhen kur une drejtoja Çelsin. Madje, edhe ushtrimet e nxehjes perpara ndeshjes, ishin te njejtat. Rreshtimi gjate goditjeve standarde te kundershtareve ishte njesoj si ai qe perdorja une, ashtu si edhe vendosja gjate goditjeve standarde ne fazen sulmuese. Disa here, Çelsi luan me skemen 4-4-2 ne forme rombi dhe ndonjehere me skemen 4-3-3: dy skemat qe perdorja une…”.
Megjithate, ndryshe nga sa mendohej, Murinjo ka vleresuar kolegun e tij Ançeloti per ndryshimet e pakta.
Sipas tij, kjo konfirmon se ish-trajneri i Milanit eshte mjaft cilesor, pavaresisht trofeve qe ka fituar: “Ky eshte tregues i nje trajneri te madh, e nuk ka dyshim qe Ançeloti eshte i tille: nese lojtaret ndihen mire me nje skeme loje, perse duhet te veprosh si i çmendur dhe te besh ndryshime radikale? Karlo e kuptoi se me kete menyre loje, futbollistet ndihen me komode dhe shfaqin te gjithe potencialin e tyre. E ka pershtatur vetem pak me stilin e tij dhe kjo me duket normale. Gjithsesi, ai ka ditur te ruaje strukturen triumfuese te Çelsit, jo me kot kjo skuader vazhdon te jete mes me te mirave ne bote”.
Top Channel
