KQZ refuzon kerkesen e G99
11/02/2010 19:50
Politika shqiptare uron besimtarët myslimanë për Kurban Bajramin 06/06 08:55
Ne letren e tij kryetari Arben Ristani i referohet ligjit per informim, ligjit te arkivave dhe Kodit Zgjedhor.
Argumenti eshte ky: fleta e votimit nuk arkivohet, madje digjet. Ndaj fleta, ne momentin aktual nuk ekziston juridikisht dhe per rrjedhim nuk ka dhe nuk mund te kete procedure ligjore per trajtimin e saj.
Pas ketyre argumentave, Erion Veliaj u tregua i pakursyer ne epitete. “Nuk do hezitonim ta quanim qesharake, burracake dhe ligjerisht inkompetente”, ka deklaruar ai.
Ne fakt, fletet ekzistojne fizikisht. Sipas Kodit Zgjedhor, KQZ duhet t’i kishte djegur, por komisioni ka evituar te marre persiper koston politike te shkaterrimit te fleteve.
Zoti Veliaj, aleat i ngushte i Edi Rames, mendon se pas kesaj pegjigje te KQZ-se, tryeza politike e se shtunes ka marre nje goditje te rende.
“Juridikisht ne do vazhdojme procedurat gjyqesore, logjikisht do informojme qytetaret dhe politikisht do te marrim pjese ne proces. Por tryeza ka marre nje goditje te rende dhe atentatori ne kete rast eshte Arben Ristani”, ka shtuar Veliaj.
Top Channel
