Nje prej shqiptareve qe eshte lumturuar nga verdikti i shortit ne Varshave ka qene pa dyshim Lorik Cana. Mesfushori kuqezi, e ka pritur me kenaqesi lajmin se perfaqesuesja e drejtuar nga Josip Kuzhe do te luaje ne te njejtin grup eliminator te Euro 2012 me Francen, nenkampione te botes ne fuqi.
“Me ne fund do te ndeshem me perfaqesuesen e Frances ne nje aktivitet zyrtar”, deklaroi 26-vjeçari, i cili prej veres se kaluar luan ne Premiershipin anglez me Sanderlendin. “Kam shume kohe qe e pres kete perballje. Ne karrieren time kam kaluar shume vite ne Ligen 1 franceze me PSG-ne dhe Marsejen dhe gjithmone kam deshiruar qe se bashku me Kombetaren shqiptare te luaja kunder ‘gjelave’. Ne periudhen kur Shqiperia nuk eshte e impenjuar ne asnje aktivitet, bej tifo per Francen”.
Perballja me blute eshte mjaft e veçante, edhe per faktin se Cana do te kete shansin te luaje perballe miqve dhe ish-kolegeve te tij.
“Dueli” me i rendesishem eshte pa dyshim ai me ish-shokun e skuadres tek Olimpik Marseja, Frenk Riberi. Kapiteni i Sanderlendit vazhdon te kete kontakte me yllin e Bajernit te Mynihut, pavaresisht se tashme ata luajne ne dy liga te ndryshme. “Jam shume i lumtur qe do te me jepet mundesia te luaj perballe Frances. Kam shume shoke ne kete vend dhe disa prej lojtareve qe jane pjese e kontingjentit aktual te perfaqesueses i kam miq. Ne fund, Lorik Cana foli edhe per kundershtaret e tjere te Grupit D: “Perveç Frances, qe e shoh si favoriten kryesore per t’u kualifikuar ne Europianin 2012 mendoj se grupi eshte mjaft i balancuar dhe te gjitha skuadrat kane shanset e tyre”.
Top Channel
