Aleksander Cipa, gazetari qe adhuron poezine

Ndersa vazhdonte studimet e larta, emisionet radiofonike per rinine ne Radio Gjirokastra ishin perpjekje per t`i hyre seriozisht atij profesioni qe per te do te behej i rendesishem. Njihet si themeluesi i gazetes se pare pluraliste ne jug te Shqiperise ne vitin `90 me emrin “Java” dhe korrespondenti i pare i se perditshmes “Koha Jone”.

Per kater vite me radhe `96-`99 ka punuar si korrespondent i seksionit shqip te BBC-se. Me nje pervoje te gjate ne kete fushe, aktualisht drejton nje nga gazetat me elitare ne tregun e shtypit te shkruar, “Shqip”. Dita e tij e punes nis me mbledhjen ne redaksi per te vijuar me pas me bisedat qe bashkepunetoret dhe miqte e tij. Me nje prejardhje familjare te lidhur ngushte me filologjine, djali i poetit te njohur, Lefter Cipa thote se ndihet vetvetja ne profesion dhe se eshte i paafte te beje pune te tjera. Martin Leka, pas 20 vjetesh njohjeje nuk e ka te veshtire te flase per mikun e tij te rralle.

“Eshte krijuar nje korrelacion vlerash letrare, artistike dhe keto cilesi mjaft te vyera jane te pranishme ne personalitetin e Aleksandrit”, thote Leka.

Pervec punes si kryeredaktor, prej 5 vjetesh Aleksander Cipa drejton edhe Unionin e Gazetareve. Per pervijimin e kesaj ideje, se bashku me analistin Andrea Stefanin mesojme se kane ndare kete eksperience. “Jam ndalur te Sandri sepse kam pare tek ai nje dedikim ndaj profesionit, jo vetem tek ai si gazetar por edhe si njeri. Duhet ta shikosh gazetarine edhe ne aspektin human”, pohon Stefani.

I ushqyer me mendimin se, “gazetaria eshte profesioni me i mire ne bote”, Aleksander Cipa njihet “si pena” ne gazetari qe rend drejt se vertetave. “Kam pare tek Sandri kembenguljen per te mbrojtur te vertetat e veta qe kane nje doze te madhe objektive dhe kjo e ben ate nje gazetar serioz”, shton Andrea. Ne heshtje ka trasheguar talentin e te atit per te qene poet, ne dukje deshiren e madhe per te mos qene protagonist.

FOTO GALERI

1/3

Top Channel