Pas vendimit te qeverise per kalimin ne skemen e Tatimit mbi Vleren e Shtuar, jo pak biznese jane detyruar te mbyllin aktivitetin e tyre ne rajonin e Durresit.
Mbi bazen e vetedeklarimit per xhiron vjetore ne kete rajon jane rreth nje mije biznese te vogla qe kalojne ne biznes me TVSH, kalim ky qe per shume prej tyre konsiderohet i paperballueshem per shpenzimet qe parashikon. Prane QKR-ve ne kete muaj te pare te vitit jane prezantuar mjaft persona fizike per te kerkuar mbylljen e biznesit te tyre.
“Jane afro 10-15 subjekte qe cregjistrojne aktivitetin ne jave”, pranon kreu i tatimoreve durrsake, Shkelqim Fortuzi. Javen e kaluar, Nazmie K. nga Durresi, thote per gazeten se u detyrua ta mbylle dyqanin e saj ushqimor, pasi nuk mund te mbijetoje e perfshire ne skemen e TVSH-se, ndersa shpreson qe qeveria te mendoje per lehtesira ne kete drejtim dhe jo te rendoje subjektet, duke ndikuar drejtperdrejte ne ekonomine e familjeve shqiptare.
Nje tjeter person fizik, i cili ka nje bar te vogel ku punon vetem, tregon se eshte ne dileme per ta mbyllur ose jo biznesin: “Kalimi ne biznes me TVSH nuk ka vetem detyrimin e punesimit te nje ekonomisti kontabel, por edhe nje varg detyrimesh te tjera qe nuk bazohen ne fakte. Punoj vetem une ne lokalin qe kam.
Bej sherbimin dhe ne bufe dhe si kamerier. Lokali eshte i vogel dhe rri gjithe diten deri ne mbremje vone per ta mbajtur hapur. Kalimi ne skemen e re me ngarkon dhe me nje numer punonjesish, per te cilet duhet te shlyej dhe sigurimet shoqerore cdo muaj, nderkohe qe te punesuarit nuk ekzistojne, po ti je i detyruar te paguash per ta”.
Ne tri javet e para te janarit jane mbyllur rreth 40 biznese, po 30 te tjera jane hapur. Mbylljen e bizneseve qe perfshihen ne skemen e TVSH-se dhe celjen e te rejave, kreu i tatimoreve e sheh si nje perpjekje brenda familjes per te mbyllur biznesin e meparshem e hapur nje te ri, ne emer te nje tjeter familjari, me qellim shmangien nga detyrimet qe rrjedhin.
Ne rajonin e Durresit jane te regjistruara rreth 5500 subjekte te biznesit te vogel dhe 1000 prej tyre ne baze te xhiros vjetore mbi 5 milione leke te deklaruara. Deri ne fund te janarit eshte parashikuar qe 380 subjekte te kalojne me TVSH dhe qe nga ai moment brenda 15 diteve keto biznese duhet te pajisen me kasat fiskale, pasi ne te kundert, edhe ndaj tyre do te nisin penalizimet financiare, ashtu si po veprohet me bizneset e medha.
Top Channel
