Pozite-Opozite debate per pushtetin vendor

06/12/2009 15:40

Socialistet dhe demokratet kane hapur nje tjeter debat, ate sesi qeveria po sillet me pushtetin lokal dhe fondet e vena ne dispozicion te tij. Qendrimet e tyre jane krejt te kunderta.

“Qysh sa erdhi ne pushtet, Sali Berisha u leshua me nje mllef drejt pushtetit vendor duke u perpjekur ne menyre sistematike te uzurpoje kompetencat e Bashkive dhe te atrofizoje burimet e te ardhurave, duke nderhyre here me akte normative dhe here me ligje ne kundershitm flagrant me Kushtetuten dhe parimet e Kartes Evropiane.
Nje Kryeminister qe nuk provon dot legjitimitetin e tij sepse ka frike te tregoje se çfare permbajne kutite e votimit nuk mund te qeverisi ne menyre demokratike ndaj duhet te largohet se bashku me kutite e mbyllura”, deklaroi deputeti socialist, Eduart Shalsi.

Nderkohe, duke e cilsuar protesten e opozitareve te pushtetit vendor per qellime personale te Rames, deputeti PD-se, Lefter Maliqi shtoi se kreu i Bashkise se Tiranes kerkon te abuzoje me taksat e qytetareve te Tiranes.

“Protesta e djeshme e opozites, nuk ka te beje me cenimin e autonomise vendore, por vetem per qellime politike personale te zotit Rama, i cili kerkon qe te abuzoje me taksat e qytetareve te Tiranes. Si ish drejtues i pushtetit lokal, ju informoj qe vetem me te ardhurat kam dyfishuar fuqine punetore kam dhene 94 bursa per studentet si dhe shume investime nga me te ndryshmet”, u shpreh deputeti demokrat, Lefter Maliqi.

Top Channel