Prej rreth 48 oresh, skuadrat shqiptare jane bere kryefjala e skandalit te trukimit te ndeshjeve ne Kupat e Europes, nderkohe qe prokuroria shqiptare qendron duarlidhur.
Kjo jo per faj te saj, por, sipas burimeve nga ky institucion, nderhyrja e organeve shqiptare te hetimit duhet te behet vetem pas nje kallezimi te mundshem nga FSHF, apo nga aktoret e perfshire ne hetimin e UEFA-s, ose nga dalja ne pah e fakteve qe do te mundesonin hapjen e nje hetimi.
Qe prej nje viti, Shqiperia tashme ka nje ligj, qe e konsideron trukimin e ndeshjeve si veper penale. Pas insistimit te Shoqates Kombetare te Prokuroreve dhe ZMQ-se ne nismen “kembet e pastra”, u miratua ne Parlament dhe me 27 nentor 2008 u botua ne Fletoren Zyrtare nr. 190, neni 197/a, ne Kodin Penal, i ndryshuar, ne lidhje me “Paracaktimin e rezultateve ne garat sportive”: “Kryerja e veprimeve ose mosveprimeve per paracaktimin e rezultateve ne garat sportive, kombetare dhe nderkombetare, ne kundershtim me parimet e lojes se ndershme, perben kundervajtje penale dhe denohet me gjobe nga 500000 (peseqind mije) leke deri ne 3000000 (tre milione) leke, ose me burgim nga tre muaj deri ne dy vjet.
Po kjo veper, e kryer per qellime te fitimit pasuror, denohet me burgim nga dy deri ne shtate vjet dhe me gjobe nga 2000000 (dy milione) leke deri ne 10000000 (dhjete milione) leke”.
Top Channel
