Durres, plagoset me kacavide adoleshenti

Ngjarja e rende ka ndodhur mbremjen vone te se henes, ne qytetin bregdetar te Durresit. Nje sherr banal mes te rinjsh ka shkaktuar plagosjen e rende te dy prej tyre, ndersa i treti ka mbetur ende i paidentifikuar, pasi eshte larguar nga vendi i ngjarjes. A.Hyseni, 17 vjec, ndodhet ne gjendje te rende shendetesore ne Spitalin Ushtarak ne Tirane.

Pas goditjes me kacavide ne koke, ai eshte futur ne koma dhe mjeket shprehen se situata e tij shendetesore eshte kritike. Burime te policise se Durresit bejne te ditur se sherri ndodhi prane shkolles 9-vjecare “Bedrie Bebeziqi”, kur 17-vjecari A.Hyseni se bashku me nje person tjeter ende te paidentifikuar nga policia, kane gjuajtur me thike 19-vjecarin Ramazan Grata. Si pasoje e goditjeve ky i fundit ka marre pese plage te renda thike ne shpatull dhe krahe. Ai ka reaguar menjehere, duke nisur te godase me nje mjet te ftohte te tipit kacavide Hysenin.

Goditjet e dhena kane qene fatale per adoleshentin, pasi kane qene ne koke dhe e kane futur ne gjendje kome. Nderkaq, i plagosuri tjeter eshte derguar ne spitalin rajonal te Durresit, ku vazhdon te jete nen trajtim mjekesor.

Burimet policore bejne te ditur se ka nisur procedim penal per vrasje te mbetur ne tentative, nderkohe qe po punohet per zbulimin e identitetit te personit te trete te perfshire ne sherr dhe zbardhjen e rrethanave te plota te ngjarjes se rende qe ka vene ne rrezik serioz jeten e dy te rinjve.

Top Channel