Aksidentet, 7 te vdekur e 8 te plagosur ne 24 ore

13/08/2009 09:05

Ne harkun e 24 oreve jane shenuar pese aksidente rrugore, qe kane shtuar frikshem bilancin e te vdekurve dhe te te plagosurve. Vetem dje, ne rruget shqiptare kane humbur jeten shtate persona, si dhe kane mbetur te plagosur tete te tjere, nje pjese e te cileve ne gjendje te rende, duke rrezikuar invaliditet te perjetshem.

Ne keto aksidente jane perfshire madje edhe vete punonjes te policise. Nderkohe qe viktimat jane te aferm, ne pjesen me te madhe te tyre pjesetare te se njejtes familje. Tragjedite rrugore, qe kane marre jete njerezish, por dhe qe kane lene pas fatkeq e jetime nuk kane kursyer as femijet dhe as prinderit e tyre.

Harta e aksidenteve shtrihet ne te gjithe vendin. Vetem ne 24-oreshin e fundit perplasjet mes automjeteve dhe daljet nga rruga jane shenuar ne Kavaje, ku kane mbetur te vdekur tre persona si dhe nje i plagosur. Nje tjeter familje emigrantesh thuajse eshte shuar krejtesisht, ndersa ktheheshin per pushime ne vendlindje.

Babe e bir kane mbetur te vdekur, ndersa bashkeshortja me kunaten e drejtuesit te automjetit ndodhen ne spital ne gjendje te rende. Nje tjeter humbje e rende per familjen Arapaj, nga e cila ka mundur te mbijetoje vetem nje nga djemte. Ndersa i ati dhe vellai 6-vjeçar te gjithe ne te njejten makine nuk kane mundur t’i shpetojne perplasjes.

Viktimat e djeshme i jane shtuar numrit te frikshem te te aksidentuarve ne rruget shqiptare, te cilat, perveç rrezikut duket se nuk ofrojne shume.

Sipas eksperteve te policise, por edhe specialisteve te fushes ne nje pjese te madhe te rasteve aksidentet ndodhin per shkak te mungeses se sinjalistikes, ndriçimit dhe infrastruktures se munguar ne shume segmente. Nga ana tjeter, theksohet fakti se burim aksidentesh jane edhe shkelja e rregullave te qarkullimit rrugor e sidomos shpejtesia mbi normat e lejuara dhe drejtimi i automjeteve ne gjendje te alkoolizuar.

Vera e ketij viti, me te drejte, mund te konsiderohet e pergjakshme per sa i perket numrit te viktimave qe kane prere udhen e tyre te jetes ne rruget shqiptare.

Top Channel