KQZ ndan mandatet e fundit
26/07/2009 16:25
Më pak grurë në ara! Fermerët po korrin, por janë të pakënaqur me prodhimin këtë vit
20/06 18:01
Komisioni Qendror i Zgjedhjeve te henen paradite ka perfshire ne axhenden e tij ndarjen e mandateve per deputetet e qarqeve te Fierit, Tiranes dhe Shkodres.
Por kjo nuk do te thote se te henen do te shpallet rezultati zyrtar i zgjedhjeve, per shkak te nje pengese teknike te Kodit Zgjedhor, i cili u jep partive politike nje afat peseditor per te ankimuar perllogaritjen nga KQZ-ja te formules ne shperndarjen e mandateve.
Vetem te shtunen KQZ-ja do te kete te gjitha kompetencat e ligjit per te shpallur rezultatin zyrtar te zgjedhjeve. Por pavaresisht ketij teknikaliteti, pas perfundimit te procesit ne Kolegjin Zgjedhor, tani, gjithcka eshte e qarte.
Mes akuzave te ndersjella nga socialistet dhe demokratet per presion ndaj drejtesise, kolegji e mbylli punen brenda nje jave, ku me perjashtim te mosnjohjes se rreth 400 votave ne favor te PD-se ne Fier, la ne fuqi gjithe vendimet e tjera te Komisionit Qendror te Zgjedhjeve.
Kjo do te thote se koalicioni i Partise Demokratike ka fituar zgjedhjet me 70 mandate, dhe bashke me koalicionin e LSI-se, qe mori 4 mandate do te krijoje me 4 shtator mazhorancen e re qeverisese.
Koalicioni i Partise Socialiste, me 66 mandate deputetesh, mund te perkufizohet si nje opozite solide ne Parlament, pa bashkepunimin e se ciles do te jete e pamundur te kryhen reformat qe kerkojne shumicen e cilesuar prej 84 votash, ku me te debatuarat jane reformat ne drejtesi dhe Kodi Zgjedhor.
Top Channel
