Fier, plazhistet probleme me lekuren

20/07/2009 08:20

Jo vetem virozat e stines, por edhe problemet me lekuren mbeten shqetesim i qytetareve ne stinen e veres. Nje numer i konsiderueshem qytetaresh paraqiten cdo dite ne spital me djegie, infeksione dhe alergji te lekures.

Dermatologu Mikel Milloshi sqaron se probleme te ndryshme me lekuren te shkaktuara nga bimet po shfaqen per here te pare kete vit ne Fier. Stina e veres ka sjelle probleme me lekuren per shume qytetare ne Fier. Te njejtin fakt e pohon edhe dermatologu i poliklinikes qendrore. Sipas tij, eshte shtuar numri i vizitave dhe i pacienteve qe kane probleme me lekuren e tyre.
“Stina e veres dhe vecanerisht temperaturat e larta te ketyre diteve te fundit, rrezet e diellit, plazhet, mjedisi jane shkaqet kryesore te shtimit te rasteve me probleme ne lekure qe ne shume raste vijne edhe ne gjendje te renduar apo me infeksione te renda”, tha specialisti Mikel Milloshi.
Rastet me te shpeshta te dy javeve te fundit kane pasur kryesisht infeksionet nga plazhi. Djegiet e lekures kane qene te gradeve nga me te lehtat deri tek ato me te rendat. Duhet pasur kujdes kryesisht me femijet e vegjel, pasi ata jane me delikate ne kete drejtim, pasi edhe lekura e tyre eshte me e holle.
Sipas mjekeve, mbrojtja e lekures duhet te realizohet duke perdorur kremra me faktore mbrojtes 50 deri ne 90 plus.
Gjithashtu, mjeku sqaron se gjate kesaj kohe jane trajtuar edhe probleme te tjera me lekuren, infeksione apo acarime.
“Kemi pasur nje fluks te madh pacientesh ne lidhje me dermatitet e ndryshme. Por raste te shumta kemi pasur edhe nga alergjite, pasi preken lloje te ndryshme bimesh apo barerash. Rasti me tipik ne kete periudhe kohe qe sjell probleme me lekuren ka qene prekja e grurit. Kane ardhur shume paciente te cilet kane korrur dhe punuar ne siperfaqe me grure dhe pasi kane dale ne diell kane pasur probleme ne lekuren e tyre”, sqaron dermatologu.
Problemet me lekuren jane shqetesim edhe i kesaj vere. Vec mbrojtjes ne plazh dhe gjate qendrimit ne diell mjeket keshillojne higjiene personale dhe kujdes per pastrimin e veshjeve, lekures dhe ambientit ku jetojme e qendrojme per nje kohe te gjate te dites.