Big Brother Vlora eshte premiera me e re e vene ne skene nga estrada profesioniste e Vlores.
Marre spunto nga personazhet shume te komentuara te spektaklit Big Brother, kete here permes humorit, artistet dhe kengetaret vlonjate kane provuar nje version tjeter te ketij spektakli, servirur mjaft kendshem per publikun vlonjat.
Shfaqja e pare ka mbushur teatrin “Petro Marko” dhe estrada profesioniste eshte pritur me nje interesim te dukshem, ndersa duartrokitjet me pas kane folur per nje shfaqje te pelqyeshme. Figurat qendrore kane qene tre parodistet e Vlores, Muhamet Lika, Afrim Agalliu dhe Agron Hamo, te cilet kane sjelle jo vetem elemente tipike te parodise, por edhe ato te situatave komike tek skecet.
Libreti i Aleksander Dukes, Gafur Shametit e Pellumb Kulles, ka percjelle nje atmosfere te ngrohte ne salle, ku komunikimi mes skenes dhe spektatorit ka qene i arrire. Ne rolin e ideatorit dhe regjisorit, aktori Afrim Agalliu tha se shfaqja kishte marre shkas nga spektakli, duke kthyer me humor disa personazhe, por edhe i kthyer ato ne retrospektive.
Ai vleresoi lojen e aktoreve, por edhe nderthurjen me elementin muzikor, te cilat kane qene pika te forta te kesaj shfaqjeje. tematika e saj varion nga goditja e korrupsionit, varferimi i artisteve, nderhyrja e politikes ne fushen e shkences, tematika sociale, etj. Shfaqja ka patur skenografine e Agron Jakupit, ndersa elementi muzikor eshte perpunuar nga Artur Dhamo.
Top Channel
