Marreveshjet e Stabilizim-Asociimit dhe Organizates Boterore te Tregtise po perdoren nga qeveria si justifikime per te mos ndihmuar biznesin vendas.
Prej kohesh biznesi i tekstileve qe ka te punesuar mbi 100 mije veta kerkon nga qeveria lehtesi fiskale per te perballuar efektet e krizes, por deri tani nuk eshte marre ne konsiderate asnje mase.
Perveç premtimit per ulje te tatimit mbi korporatat dhe rimbursim me te shpejte te Tatimit mbi Vleren e Shtuar, te cilat mbeten angazhime dhe asgje konkrete, ministrite e linjes nuk kane bere asnje hap para.
Dy dite me pare, gjate takimit mes bizneseve dhe ministrive te Ekonomise e Financave, u mesua arsyeja se pse qeveria nuk i pranon kerkesat per rishikim taksash. Eno Bozdo, zv/minister i Ekonomise, Tregtise dhe Energjetikes, u tha hapur bizneseve te tekstilit se, qeveria nuk mund t’i ndihmoje, per aq kohe sa jane ne fuqi marreveshjet me MSA-ne dhe OBT-ne, te cilat i permbahen konkurrences se lire dhe pa nderhyrje nga shteti.
E verteta eshte se keto marreveshje nuk e lejojne ndihmen shteterore per produktet e origjines, jane kunder diskriminimit per çdo mall qe eksportohet dhe importohet, por nuk thone te ndalosh ato biznese qe lenden e pare e blejne jashte, per ta perpunuar dhe me pas, per ta eksportuar.
Me kete justifikim, qeveria tregon “duart” si e “lare” me biznesin, qe ne fakt nuk eshte tjeter vetem shenje e mungeses se aftesise per te stimuluar sektorin qe ndikon mjaftueshem ne ekonomi. Vende te ndryshme te rajonit po i japin nje dore ndihme biznesit te tyre dhe askush nuk i ka ndaluar. Rastet jane te shumta, si ne Turqi, Mal te Zi, Serbi apo ne Maqedoni, vende te cila po konkurrojne fort Shqiperine, si pasoje e politikave subvencionuese.
Justifikimi
Top Channel
