Aleatet e Partise Socialiste ne zgjedhjet e 28 qershorit kane vijuar edhe sot fushaten ne rrethe te ndryshme te vendit.
Kryetari i PBDNJ-se, Vangjel Dule, ne takimin elektoral te radhes ne Shkoder, ku ka prezantuar kandidatet, eshte shprehur se forca e tij politike qe ne themelimin e saj ka patur si baze vlerat europiane qe e kane shoqeruar rrugen e saj pergjate ketyre viteve.
“Shqiperia nuk u fut ne NATO vetem per demokratet, per socialistet, apo per PBDNJ, por per gjithe qytetaret e vete dhe do te futet ne BE per gjithe qytetaret e vete, me kontributin e tyre”, ka deklaruar Dule.
Nderkohe, kreu i PSD-se, Skender Gjinushi, gjate takimit te tij te radhes ne Elbasan eshte shprehur se qeveria Berisha duhet te largohet sa me pare dhe se socialdemokratet luftuan per ta perzene ate qe ne 2007-en.
“Ne luftuam qe kjo qeveri te vjedhe sa me pak, qe te largohet sa me pare. Ne luftuam qe ajo te ikte qe ne 2007-en, por nuk ia dolem. Por le te ike tani kjo qeverisje e mbrapshte”, ka pohuar Gjinushi.
Gjate takimit elektoral ne Berat, kreu i Partise Demokracia Sociale, Paskal Milo eshte shprehur se, deviza e tij dhe partise qe drejton eshte t’i sherbesh njerezve te thjeshte.
“T’iu sherbejme njerezve te varfer. Ne e kemi te shkruar ne balle synimin per t’iu ardhur ne ndihme shtresave ne nevoje, jo vetem por me partneret tane”, ka deklaruar Milo.
Ndersa kreu i G99, Erion Veliaj gjate takimeve me banoret e komunave te Fierit eshte ndalur tek problemet e bujqesise.
Ai ka akuzuar qeverine Berisha se eshte e paafte qe ta zhvilloje fshatin. Veliaj tha se do te sjelle ne krye te bujqesise te rinj te cilet kane talent dhe jane te apasionuar per punen.
“Ministri i Bujqesise shkonte ne nje panair te luftes me gjela dhe dekoroi gjelin fitues. Kjo eshte e pafalshme pasi lufta mes kafsheve ne Evrope ndalohet, por me e rendesishme eshte se ministri kalon kohen duke dekoruar gjela dhe jo duke bere punen”, ka pohuar Veliaj.
Top Channel
