Rreth 45 familje ne Tirane dhe 25 te tjera ne qytetin e Shkodres jane perzgjedhur per te strehuar femije jetime e te braktisur.
Ne perputhje me kriteret e vendosura ka rezultuar se keto familje plotesojne kushtet e duhura per te qene kujdestare te femijeve, te cileve u krijohet mundesia te braktisin institucionet shteterore dhe te gjejne strehe ne familje normale.
Behet fjale per strategjine “Dokumenti i Politikave te Kujdestarise”, qe parashikohet te nise nga zbatimi ne muajin shtator. Ajo synon rikthimin e ketyre femijeve ne jeten familjare dhe heqjen e tyre nga institucionet shteterore ne te cilat ka rezultuar se keta te mitur humbasin konceptin e familjes.
Perfaqesues te Ministrise se Punes bejne te ditur se sherbimi i kujdestarise do te ofrohet si per femijet e strehuar ne institucionet e shtepise se femijes, ashtu dhe ne familjet e tyre biologjike qe nuk ofrojne standarde te jeteses. “Per te rritur cilesine e jetes se femijes qe do te perfitoje kujdestari, ekspertet do te punojne paralel dhe me familjet e tyre biologjike per te rritur standardet e jetes apo te rehabilitohen, nese kane probleme me dhunen”, shprehen keta perfaqesues.
Sipas tyre, nese familja biologjike nuk do te tregoje gatishmeri per te bashkepunuar, sipas ligjit do te denohet me heqje te se drejtes prinderore. Nderkohe, familjet qe do te marrin persiper trajtimin e ketyre femijeve, do te asistohen edhe nga punonjes sociale e eksperte te tjere te fushes, per t’u dhene femijeve ndihmen e duhur ne procesin e rritjes.
Fillimisht eshte menduar qe projekti te zhvillohet ne qytetet e medha, ku ka me shume qendra te perkujdesit te femijeve, si dhe familje qe do te duan te marrin persiper kujdestarine e tyre. Megjithate, ekspertet pohojne se zbatimi i ketij projekti pritet te shtrihet ne te gjitha rrethet e vendit.
Top Channel
