
Detajet teknike per menyrat e ndertimit dhe prodhimit te materialeve inerte ne zonen ku u rrezua pallati pesekatesh, kane karakterizuar seancen e djeshme gjyqesore ne ngarkim te personave te akuzuar per kete ngjarje.
Drejtuesi i seances gjyqesore, Desard Avdulaj, ka degjuar deshmine e punetorit te nje firme per prodhimin e betonit per pilotat, si dhe pronarin e firmes TERLIS, Vangjel Gogo, pergjegjese per ndertimin e masivit mbrojtes ne zonen ku do te ngrihej godina shtatekateshe.
Dy deshmitaret jane kerkuar nga akuza dhe kane dhene detaje teknike per menyren se si eshte vepruar deri ne momentin e ndodhjes se tragjedise.
Punetori i firmes ndertuese qe merrej me pergatitjen e betonit pati deklaruar para trupit gjykues se porosia e drejtuesve te firmes qe merrej me ndertimin e pilotave ishte e qarte: dergimi i mases se kerkuar te betonit te tipit 250 posaçerisht per ndertime te nendheshme.
Ne seance linden debate, pasi nga kontrolli teknik ka rezultuar se cilesia ka qene e sakte dhe ekspertet kane dale ne perfundimin se pergatitja e betonit ka qene e standardizuar ne parametrat e kerkuara sipas projektit ndertues.
Sipas drejtuesit te firmes TERLIS, Vangjel Gogo, i cili u pyet gjate seances se djeshme, punimet kane qene konform projektit, duke mos e anashkaluar ne asnje moment ate. Me deshmite e djeshme rrezohen deklaratat e inxhinierit te firmes “Arti” sh.p.k., Luan Bufi, i cili vuri ne dyshim cilesine e betonit te prodhuar nga firmat e inerteve ne Gjirokaster, ne mungese te nje laboratori per te matur cilesine e tij.
Seanca e radhes do te zhvillohet pas dy javesh, nderkohe qe priten te pyeten te tjere deshmitare per te identifikuar pergjegjesit e ngjarjes tragjike te 9 nentorit te vitit te kaluar, qe shkaktoi vdekjen e tre personave dhe plagosjen e gjashte te tjereve.
Top Channel