Çmimet e makinave te perdorura kane rene ndjeshem gjate muajve te fundit si pasoje e faktit se shume njerez jane te gatshem t’i shesin ato, ndersa tregtaret e importit e kane te veshtire te mbijetojne, behet e ditur nga tregtaret.
Nen presionin e krizes, rruget jane mbushur me makina qe kane dale ne shitje dhe per here te pare, shume njoftime mbajne edhe çmimet e shitjes te reklamuara. Keshtu, makinat popullore Volkswagen Golf III me benzine, kane dale ne shitje per 300-400 mije leke, ndersa pak muaj me pare ishte e pamundur te gjeje nje makine te tille me çmim me te ulet se 420 mije leke.
Ne renie jane edhe Benz-at 190-200, te cilat tashme mund te gjenden ne treg me 3500-4500 euro, ndersa me pare ishte e veshtire te gjendeshin nen 550 mije leke.
Çmimet e makinave ne Shqiperi percaktohen para se gjithash nga kostoja e taksave qe paguhen ne dogane, te cilat perbejne mesatarisht 50-75 per qind te çmimit te makines.
Keshtu, nje makine benzine me cilindrate 1.2, me moshe me te madhe se dhjete vjet, ngarkohet me 130-150 mije leke dogane dhe çmimet e ketyre makinave deri disa muaj me pare fillonin nga 350 mije leke. Por shume njerez qe kane blere me heret makina te tilla jane te gatshem qe sot t’i shesin me lire.
Makinat e naftes me cilindrat 1.9 dhe me moshe mbi 10 vjet, (ku hyn edhe popullori Benz 190, kane taksa doganore prej rreth 320 mije lekesh e per pasoje, çmimet e tyre fillonin me 500 mije leke, por tani mund te gjenden edhe me 400 mije leke.
“Kam nje kredi per te shlyer dhe me duhen parate urgjentisht”, – thote nje i ri qe deshiron te shese makinen e tij Golf III.
“Eshte bere pothuajse e pamundur qe te shesesh nje makine te sapoimportuar, pasi bleresit e pakte parapelqejne makinen me te lire te mundshme”, – thote nje tregtar te stadiumi “Dinamo” ne Tirane.
Numri i njoftimeve neper gazeta apo makinave qe qarkullojne me tabelen “shitet” eshte sot me i larte se kurre, sipas tregtareve. Per me teper, frika e krizes ekonomike ka bere qe shume shqiptare te shtyjne per me vone planet per blerjen e nje makine, ndersa shume bleres ankohen per peshen e madhe qe taksat doganore kane mbi vleren e makines se paguar. Numri i makinave te importuara ne Shqiperi ka ardhur ne renie te ndjeshme nga viti ne vit si pasoje e rritjes se vazhdueshme te taksave. Ne vitin 2007, ne Shqiperi hyne 13 mije autovetura, ndersa ne 2006 paten hyre 30 mije te tilla.
Qeveria i rriti ndjeshem taksat per makinat e importit ne mes te vitit 2007 per te kompensuar humbjet qe krijoheshin nga pergjysmimi i tatim-fitimit per korporatat. Ne ate kohe u tha se rritja e taksave do te sillte 17 milione euro shtese per qeverine, por perballe renies se importeve, ky skenar duket se deshtoi.
Top Channel
