Deputeti i PD, zevendeskryeministri Genc Pollo ka deklaruar se eshte i gatshem te kandidoje ne qarkun e Beratit.
“Eshte nje privilegj dhe pergjegjesi e madhe qe kandidoj ne Berat. Bashke me kandidatet e tjere te PD do sjellim nje transformim qe ne Berat duhet te kishte ndodhur me pare”, ka pohuar Pollo.
Duke folur ne emisionin “Top Story” ne Top Channel, Pollo ka shprehur bindjen e tij per fitore pasi sipas tij qeveria demokratike ne keto 4 vjet ka bere shume investime.
“Ambicja jone eshte t’i heqim Beratit epitetin e te qenit xhep, te krijuar nga rrethanat politike. PS per 8 vite me radhe ne kete qark nuk beri asgje. Ndersa ne keto 4 vite jane bere ndryshime permes reformave dhe investimeve qe jane ne te njejtin nivel per fryme te popullsise me qarqe te tjera qe kryesohen nga PD”, ka theksuar Pollo.
Me tej, zevendeskryeministri ka debatuar me deputetin e PS, Erjon Brace, i pranishem ne emisionin “Top Story”, duke theksuar se qeveria e PD ka bere me shume investime se ajo e PS.
“Ne Berat jane bere shume investime, ne rruge, ura e shkolla. Duhet llogaritur granti qe disbursohet nga ministrite dhe shkon ne nje qark te caktuar dhe per qarkun e Beratit eshte zbatuar parimi per fryme. Buxheti demokrat per Beratin eshte rritur shume krahasuar me ate socialist”, ka shtuar Pollo.
Top Channel
