Selanik, protestojne nudistet mbi bicikleta

06/06/2009 18:45

Hoqen rrobat e teperta, vendosen paruke, pikturuan trupat e tyre, morren bicikletat dhe dolen ne rruget e Selanikut.

Ishin mbi 300 cikliste qe zgjodhen kete menyre per te protestuar ndaj ndotjes se ambientit nga qarkullimi i makinave dhe kerkuan krijimin e kushteve per qarkullimin e bicikletave ne metropolet e medha. Ne krye te dhjetera te rinjve me bicikleta nga Greqia dhe shume vende te botes, ishin persona invalide te demtuar ne aksidente automobilistike brenda qyteteve.

“Kerkojme rruge per bicikleta, kushte sa me te mira. Ekziston superstruktura dhe ekzistojne fonde nga BE per keto procedura. Ka ardhur koha shoqeria te respektoje me shume ciklistet”, shprehet nje prej protestuesve.

Shumica e qytetareve qe u ndodhen ne qendren pothuajse te bllokuar te Selanikut, shoqeruan me buzeqeshje paraden e ciklisteve gjysme te zhveshur dhe pohuan se bicikleta eshte nje zgjidhje e mire per trafikun teper te renduar ne qytetet e medha. Prej vitit 2004 kur u be per here te pare ne Vankuver te Kanadase, parada e ciklisteve te zhveshur eshte perseritur ne 73 qytete te medha ne 21 shtete te botes.

Top Channel