Dhuna ndaj te verberve, Topi ben apel
26/05/2009 11:25
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Presidenti i Republikes, Bamir Topi u beri apel sot institucioneve, politikaneve dhe zonjave qe te denoncojne publikisht incidentin e ndodhur disa dite me pare, ku dy zonja te verbera u dhunuan.
Kreu i shtetit theksoi se ai akt i shemtuar, demton jo vetem nje individ, por imazhin e shoqerise shqiptare dhe perspektiven e saj ne te ardhmen.
“I bej thirrje specifike zonjave qe te mos qendrojne indiferente, po me qendrimin e tyre te reagojne ndaj ketij akti”, u shpreh Topi.
Deklaratat e presidentit u dhane gjate ceremonise se diplomimit te zonjave pjesemarrese ne programin e National Democratic Institute “Zhvillimi i Lidereve te Rinj ne Politike”, qe po mbahet ne Hotel Tirana International.
“Roli i gruas jetik”
Presidenti i Republikes, gjate ceremonise se sotme, deklaroi se roli i gruas ne shoqeri eshte jetik, ndaj kerkoi hapesira me te medha per angazhimin publik te zonjave.
Edhe pse rritja e kuotes ne 30 perqind per perfaqesimin e grave ne parlament mbetet per t’u vleresuar, presidenti kerkoi qe kjo shifer te rritet me tej, pasi eshte e nevojshme zbutja e toneve, gje te cilen grate mund ta realizojne me sukses.
Edhe ambasadori amerikan, John Withers, i cili ishte i pranishem ne ceremoni vleresoi rritjen e kuotave, po kerkoi nga grate qe te mos kenaqen me kete nivel, po te kene gjithnje ambicie dhe kerkesa ne nje shoqeri te barabarte.
“Mbeshtetja juaj dhe puna juaj bashke me aktoret e tjere te shoqerise, mund te sjelle ndryshim te thelle. Une jam i bindur se ju do ta beni kete ndryshim”, u shpreh Withers.
Top Channel
