PsychoAuction, faqja ku mund te “blini falas”

20/05/2009 19:55

Kerkoni te realizoni endrren tuaj te momentit per te pasur nje iPhone apo nje bilete per koncertet e Michael Jackson ne Londer? Provoni te klikoni ne faqen PsychoAuction.com ku cmimet e kripura te tregjeve boterore zhvleresohen.

Ndoshta mund te duket e cuditshme por me vetem pak dollare mund te mbushni canten me gjera qe ne tregjet normale mund t’i gjeni vetem me nje grusht parash. Ideja absurde eshte vene ne jete nga ish punonjesi i bankes amerikane te falimentuar ne shtator Lehman Brothers, Nicolas Dickreuter, i cili nuk ka preferuar te qendroje i papune, duke perveshur menget.

Ish agjenti financiar i bankes se falimentuar eshte i bindur se PsychoAuction perfaqeson gjeneraten e se ardhmes te faqeve online. “Kur te kete me shume anetare, edhe cmimet do jene me realiste”, shprehet Dickreuter ne nje interviste dhene per “The Sun”. Funksionimi i kesaj faqeje eshte shume i thjeshte. Cdo anetar mund te regjistrohet duke dhene emrin, numrin e celularit dhe adresen e-mail ne te cilen do dergohen objektet e blera.

Anetaret e rinj mund t’i bejne 3 ofertat e para falas, por per me vone duhet te paguajne. Ne kete menyre, sa me shume oferta qe te kete, aq me shume rriten fitimet e kompanise qe menaxhon faqen, cka do te thote se vlera e objektit nuk eshte edhe aq e ulet. Ankandet zgjasin nga 5 minuta ne 3 ore, ndersa objektet ne ankand variojne qe nga biletat e avioneve deri tek impiantet Hi-Fi.

 

Top Channel