Florentino Perez ka depozituar zyrtarisht diten e enjte kandidaturen e tij per presidencen e Realit te Madridit.
Ai ka deklaruar se largimi i tij nga post i presidentit te ketij klubi ka qene nje gabim dhe si rrjedhoje ka vendosur te marre serish kete skuader per ta rikthyer ne eliten e futbollit spanjoll dhe europian pas ketij sezoni te deshtuar, ku madrilenet po dalin duarbosh.
Perez dha doreheqjen ne vitin 2006 nga presidenca e Realit pasi e drejtoi kete skuader per 6 vjet. Ne kohen kur ai udhehiqte nje nder klubet me te titulluara ne Europe, bleu yjet me te medhenj te futbollit boteror si Luis Figo, Zinedin Zidan, Ronaldo, Devid Bekham, Majkell Ouen dhe Roberto Karlos. Gjithashtu skuadra galaktike qe ai ndertoi arriti te fitonte Ligen e Kampioneve ne vitin 2002, por me pas, gjithe keta yje ne skuader nuk kontrolloheshin dot dhe rezultatet jo te mira e shtyne drejt doreheqjes presidentin.
Ne kete kandidim te dyte Florentino Perez, sipas mediave spanjolle, ka ndermend te marre lojtare si Kristiano Ronaldo, Kaka, Fabregas dhe Ksavi Alonso, nderkohe po sipas mediave vendase, emrat e trajnereve qe perfliten jane, Arsen Venger dhe Karlo Anceloti. Zgjedhjet e reja te Realit te Madridit do te zhvillohen me 14 qershor.
Top Channel
