Kristina Gallach, zedhenesja e shefit te Politikes se Jashtme te Bashkimit Europian Havier Solana, flet ekskluzivisht per Top Channel dhe vlereson si “te shkelqyeshme” zgjedhjet ne Maqedoni. Por zonja Gallach deklaron se Brukseli tashme po pret kurorezimin e zgjedhjeve me sukses ne Shqiperi.
TCH: Pas zgjedhjeve te dieles, cfare shansesh ka Maqedonia per te celur bisedimet per anetaresim ne Bashkimin Europian?
Gallach: Para se gjithash, duhet te verejme sesi do te mbahet raundi i dyte i zgjedhjeve. Deri me tani, vleresimi i vezhguesve nderkombetare qe kane mbikeqyrur kete proces ka qene pozitiv. Menyra e te sjellurit ne keto zgjedhje ka qene e shkelqyer dhe ne po presim me padurim qe nje situate e ngjashme me kete te verehet dhe ne raundin e dyte. Megjithe motin e keq, pjesemarrja e votuesve ishte e konsiderueshme. Ecuria e votimit ka qene normale. Tani ajo cfare presim ne eshte qe ne raundin e dyte te kemi pak a shume te njejten situate.
TCH: Pervec Maqedonise, edhe per Shqiperine zgjedhjet jane kushti kryesor ne perafrimin e metejshem me Bashkimin Europian. Shqiperia ka vendosur te aplikoje para mbajtjes se zgjedhjeve te pergjithshme. C’atmosfere ka ne Keshillin Europian per kete vendim te autoriteteve te Tiranes?
Gallach: Kurorezimi i zgjedhjeve eshte vertet shume i rendesishem. Eshte tregues i mire per te pare sesi nje vend organizon strukturat, ne kete drejtim sigurine dhe lirine e plote te shprehjes, ndaj perben dhe diten me kritike te jetes demokratike te nje vendi. Per kete arsye, ne i kushtojme nje rendesi te madhe menyres sesi keto lloj ngjarjesh jane te organizuara. Eshte ajo cfare beme me Maqedonine dhe cfare do te bejme dhe ne rastin e Shqiperise. Prandaj, ne po presim te shohim qe zgjedhjet qe po afrohen ne Shqiperi te kurorezohen dhe te organizohen ne nje menyre qe te jete shume treguese e mire e mireqeverisjes se vendit. Sigurisht, qe nje nga menyrat per te vleresuar progresin drejt nje zhvillimi me te mire te procesit eshte te shohim se si do te shkoje vete diten e zgjedhjeve. Ndersa ne lidhje me kandidaturen e vendit ne Bashkimin Europian, une duhet te them se kjo i takon qeverise te vendose se ne c’moment kjo e fundit deshiron ta dorezoje kerkesen per statusin kandidat. Pra, nuk na takon neve. Por ajo qe ka rendesi ne termat e pergjigjes te Bashkimit Evropian eshte menyra se si do te behen gjerat dhe jo dita e dorezimit te aplikimit. Pra, eshte me e rendesishme qe te garantohet qe gjerat do te behen ne menyren e duhur dhe jo thjesht te nxitohen ne vend qe te presin dhe te garantojne se kushtet qe u jane vene respektohen ashtu sic duhet.
TCH: Sa e veshtire do te jete per EULEX-in qe te merret me misionin ligjor ne Kosove pas njoftimit nga disa vende te NATO-s se do te terheqin trupat. E sidomos pas rastit te Spanjes, e cila njoftoi se do te terheqe te gjithe trupat e saj brenda veres.
Gallach: Une mund ta them shume qarte se cfaredolloj reduktimi i numrit te trupave te KFOR-it ne Kosove nuk do te kete asnje impakt mbi EULEX-in. Misioni i BE-se bashkepunon shume mire me KFOR-in dhe ata kane funksione te ndryshme ne Kosove. Por ata koordinohen ne nje menyre shume intensive dhe ajo qe mund te themi eshte qe te gjitha reduktimet qe KFOR-i ka bere apo ndoshta do te beje ne muajt e ardhshem do te behen ne nje menyre qe kjo gje te mos kete asnje impakt mbi menyren se si KFOR-i vepron ne terren. Per kete arsye ne jemi absolutisht te bindur se bashkepunimi mes EULEX-it dhe KFOR-it do te vazhdoje dhe se do te vazhdoje per me te miren, si dhe se misioni i BE-se po permbush pergjegjesite e tij ne te gjithe territorin e vendit. Megjithe ndryshimet qe mund te kete ne KFOR, kjo gje do te vazhdoje te behet ne te njejten menyre.
Top Channel
